Водолија
 20.01-18.02

Љубов	Работа	Здравје

13 до 19 мај 2024

Љубов: Ако сте во стабилна врска или брак, вашиот партнер веројатно ве обвинува што не сте доволно активни и се однесувате како да сте си самите доволни. Многу Водолии одат во друга крајност и се склони кон паралелни врски или додворување дури и во друштво на постојаниот партнер. Самите Водолии ќе имаат додворувачи.

Работа: Некој се грижи да ве убеди во неговите добри намери, но вие сте прилично тврдоглави. Влеговте во фаза на интензивна работа на нешто што нема да ви биде лесно да го завршите без туѓа помош. Некој ќе ви понуди соработка која не треба да ја одбиете. Може наивно да влезете во договор со некој кој веќе ви дал шанса да работите.

Здравје: Влијанието на ѕвездите оваа недела сугерира дека вашето здравје ќе бара повеќе внимание. Можно е да ве мачи некој непознат стрес. Некои стари здравствени проблеми може да ве мачат во средината на неделата.

Совет: Спијте повеќе.

Водолија
 20.01-18.02

мај 2024

Работа: Во вашиот професионален живот имате цврста основа за стабилно нагорно темпо, со можност за значителен напредок. Тимската работа е клучна, затоа поттикнете ја соработката и отворената комуникација, бидете трпеливи со оние кои не влегуваат толку брзо како вас. Забавувањето на проектот поради надворешни фактори може да биде добро, на долг рок. Бидете подготвени да се приспособите на новите идеи, да разговарате и да дадете свој придонес, кој ќе ви биде признаен. Ова е период за обезбедување на постигнатото и воспоставување позиција, со цел да се развијат потенцијалите и да се забележат поволните можности кога ќе се појават.

Љубов: Вашата потрага по сродна душа ќе потрае некое време. Бидете трпеливи, за добрите работи е потребно време и доаѓаат кога ќе бидете подготвени. Во меѓувреме, поврзете се со луѓе со сличен сензибилитет и афинитет, збогатете го вашиот социјален живот и проширете го кругот на пријатели. Во партнерските односи, треба да го цените она што го имате, да се приземјите и да покажете благодарност за трајните вредности што сте ги изградиле и што ги споделувате. Продлабочете ги односите со разбирање на потребите на партнерот и излезете од вашата комфорна зона за да исполните некои од нив и да го усреќите вашиот партнер. Малите промени во однесувањето и вложувањето малку повеќе енергија, во голема мера ќе го зголемат квалитетот на вашата врска.

Здравје: Проширете ги сите аспекти од вашиот ментален, емоционален, интелектуален, психички и физички живот, за да растете и се развивате хармонично. Посебно ќе ви помогне да најдете активности кои го смируваат умот и го подмладуваат духот. Јогата, медитацијата, техниките на дишење и поминувањето време во природа ќе го балансираат вашиот ум и тело и ќе го зајакнат вашето целокупно здравје.

Водолија
 20.01-18.02

2024

За Водолиите 2024 ќе биде година на голем број можности, предизвици, лично созревање и спознавање. Благодарение на добрата позиционираност на планетите, во 2024 ќе имате периоди кога ќе мислите дека среќата е целосно на ваша страна, но ќе има и периоди на пресврти и предизвици.

Ова ќе биде одлична година на љубовен план, па ако подолго време сте сингл, можно е годинава да ја запознаете вистинската личност за вас или да имате неколку романтични авантури.

Креативноста и иновативноста ви се најсилно оружје што може да ви донесе голем број успеси на поле кариера, но обидете особено внимателни кога се во прашање финансиите и здравствената состојба.

Работа и финансии

Можно е да донесете некои одлуки на поле кариера што ќе ве доведат чекор поблиску до остварување на замислените соништа. Ќе имате можност да ги покажете сопствените таленти и квалитети и можно е остварување на вашата визија да направите нешто добро за светот и околината.

Но, познати сте по тоа што не се придржувате премногу до наметнатите правила и норми, па може да се соочите со голем број предизвици. Ќе има периоди кога ќе сметате дека големиот број обврски на работното место ве оддалечуваат од тоа што навистина сакате да го правите.

Ќе имате голем број настани на кои ќе присуствувате, ќе стекнете голем број нови контакти, но не дозволувајте кариерата во целост да ве преокупира и да заборавите на приватниот живот.

Во 2024 состојбата на финансиски план ќе ви наликува на вистински трилер. Никогаш нема да знаете каква пресвртница ве очекува, кога ќе ве следи среќа и кои стратешки чекори треба да ги направите.

Позитивната страна е тоа што благодарение на вашите необични и уникатни идеи ќе имате можност за заработка, па некои претставници на знакот можат и да си ја обезбедат финансиската иднина.

Сепак, можно е да преземете некои ризични одлуки што нема да ги дадат очекуваните резултати. Обидете се да не дозволите желбата за финансиска независност да ве натера да донесете непромислени заклучоци, особено ако се впуштате во нови инвестиции.

Добро би било да направите детални истражувања и да го испланирате буџетот пред да се впуштите во нови авантури и бидете внимателни како ги трошите парите. Не треба да бидете сконцентрирани само на краткорочно штедење, размислувајте долгорочно и оставете пари за „црни денови“.

Љубов

На љубовен план, 2024 ќе ви приреди голем број пресврти и искуства. Вашата независна природа ќе биде ставена на тест, па голем број сингл припадници на знакот може да одлучат да влезат во сериозна врска.

Ќе ви се чини дека љубовта можете да ја најдете на најнеочекуваните места, а ќе бидете изненадени од длабоката поврзаност и авантурите што ќе ги доживеете.

Сепак, ќе ви се чини дека најголем проблем ќе ви биде воспоставувањето баланс меѓу вашата огромна желба за независност и посветеноста што партнерот ја бара од вас. Најважно ќе биде да се потрудите да одржите добра комуникација со партнерот и да имате разбирање за чувствата на личноста со која сте или со која сакате да започнете врска.

Исто така, потрудете се да му дадете максимална поддршка на партнерот за да ги оствари сопствените соништа и планови и потрудете се да бидете трпеливи.

Водолиите во брак ќе најдат нови начини како да ја зачинат врската и да ја направат повозбудлива. Ќе имате можност да го подобрите односот со партнерот, да ја зголемите интимноста и да креирате хармонична врска во која и двајцата ќе бидете рамноправни.

Но, вашата желба за независност може да ве доведе во конфликтни ситуации и да имате недоразбирања со брачниот партнер. На мигови ќе ви се чини дека сте растргнати и дека треба да избирате меѓу сопствените соништа и брачните обврски, па затоа клучна ќе биде комуникацијата и отвореноста за нови идеи.

Потрудете се да внесете голем број заеднички искуства што ќе ви помогнат да ги надминете кризните периоди.

Здравје

Во 2024 ќе имате моменти кога ќе се чувствувате дека сте полни со енергија и можете да постигнете сè што сте замислиле. Ќе ви се чини дека сте полни со позитивна енергија и дека ментално сте подготвени за да се справите со сите предизвици.

Сепак, тоа може да ве доведе да ги занемарите симптомите за здравствени проблеми. Исто така, не експериментирајте премногу со нови методи и здрави навики за кои не сте сигурни колку се добри и позитивни.

Најважно ќе биде да воведете здрави навики и рутини и да се воздржите од воведување нови и иновативни методи за вежбање или слабеење.

Пред да направите што било, консултирајте се какви последици би можело тоа да има врз вашето целокупно здравје.