Бојадисајте ги велигденските јајца без хаос: Техника со ориз со која ќе се забавуваат и најмалите
Бојадисувањето јајца за Велигден може да биде вистински стрес ако имате мали деца кои сакаат да ви „помогнат“. Но, наместо тоа да ви биде проблем, претворете го во семејна забава која ќе заврши без премногу неред.
Сите сакаат убави велигденски јајца. Но, освен класичната техника со боја, луѓето наоѓаат нови начини на вапсување јајца, особено кога имаат мали деца кои сакаат да помогнат.
Ова уште однапред значи хаос - истурена боја, искршени јајца, извалкан тепих. Но, што ако не мора да е така?
Постои начин да се забавувате со децата, да ги вапсате јајцата и да бидете сите задоволни.
За да го постигнете тоа, вапсајте ги јајцата со помош на ориз.
Оваа техника е многу едноставна, нема да направите хаос дома, ни да се плашите дека никогаш нема да ја исчистите бојата од тепихот или чаршавите.
Потребни ви се ориз, ќесички (или пластични садови со капак), боја за храна и тврдо сварени јајца.
Во секоја ќесичка ставете ориз (да биде полна околу ¼) а потоа неколку капки течна боја за храна. Измешајте ги за оризот да се обои.
Потоа, во ќесата ставете го тврдо вареното јајце, затворете ја и протресете. Зрната ориз ќе остават боја на јајцето.
Можете да ги бојадисувате во една боја или во неколку (ако сакате шарени јајца).
Најдоброто од сè е што секое јајце ќе изгледа различно.
Кога ќе завршите, оризот во боја можете да го ставите во украсен сад и тука да ги наредите велигденските јајца.
Погледнете ги видеата:
А. Ј. | Црнобело
Би можело да ве интересира:
Препорачуваме
Најчитани неделава
